ශ්රී ලංකාවේ අති පූජනීය සිද්ධස්ථානයක් වන අනුරාධපුර ජය ශ්රී මහා බෝධීන් වහන්සේගේ භාරකාරීත්වය දැරූ 71 හැවිරිදි පල්ලේගම හේමරතන හිමියන් එල්ල වී ඇති ළමා අපචාර චෝදනාවක් හේතුවෙන් වහාම ක්රියාත්මක වන පරිදි එම ධුරයෙන් සහ වගකීම්වලින් අත්හිටුවීමට මල්වතු පාර්ශවයේ සංඝ සභාව තීරණය කර ඇති බව අල් ජසීරා පුවත් සේවය වාර්තා කරයි.
අල් ජසීරා වාර්තාවට අනුව, හේමරතන හිමියන්ට එරෙහිව මෙම චෝදනාව එල්ල වී ඇත්තේ 2022 වසරේදී අනුරාධපුර ජය ශ්රී මහා බෝධි විහාරස්ථානය තුළදී 11 හැවිරිදි දැරියකට ලිංගික අපයෝජනයක් සිදු කළ බවටයි.
මෙම සිද්ධිය සම්බන්ධයෙන් විමර්ශන පවත්වන පොලිසිය පසුගිය මැයි 09 වනදා උන්වහන්සේව අත්අඩංගුවට ගනු ලැබීය. අත්අඩංගුවට ගන්නා අවස්ථාවේ උන්වහන්සේ කොළඹ පෞද්ගලික රෝහලක ප්රතිකාර ලබමින් සිටි බවද එම වාර්තාවේ සඳහන් වේ.
මීට අමතරව, අදාළ අපයෝජන සිද්ධියට ආධාර අනුබල දීමේ චෝදනාව මත විපතට පත් දැරියගේ මව ද බලධාරීන් විසින් අත්අඩංගුවට ගෙන ඇත.
මේ සම්බන්ධයෙන් නිවේදනයක් නිකුත් කරමින් මල්වතු පාර්ශවයේ නායක හිමිවරුන් ප්රකාශ කර ඇත්තේ, හේමරතන හිමියන්ට එරෙහි නීතිමය කටයුතු අවසන් වන තෙක් උන්වහන්සේගේ සේවය අත්හිටුවීමට මල්වතු පරිවෙණාධිපති කාරක සංඝ සභාව තීරණය කළ බවයි.
වසර දහස් ගණනක් පැරණි, බුදුන් වහන්සේ බුද්ධත්වය ලැබීමට සෙවණ දුන් බෝධීන් වහන්සේගේ අංකුරයකින් හටගත් ජය ශ්රී මහා බෝධීන් වහන්සේගේ ප්රධාන භාරකාර ධුරයෙන් මෙලෙස උන්වහන්සේව ඉවත් කර ඇත්තේ කලාතුරකින් සිදුවන විනය ක්රියාමාර්ගයක් ලෙස බව අල් ජසීරා පෙන්වා දෙයි.
හේමරතන හිමියන් මේ වන විට ඇප මත මුදා හැර ඇති නමුත්, අධිකරණය විසින් උන්වහන්සේට විදේශ ගත වීම තහනම් කර ඇත. මෙම සේවය අත්හිටුවීමේ තීරණය ප්රකාශයට පත් වූයේ ශ්රී ලංකාව වෙසක් උත්සවය සමරමින් සිටි දිනයක වීම විශේෂත්වයකි.
ශ්රී ලංකාවේ පූජ්ය පක්ෂය සම්බන්ධයෙන් මීට පෙරද විවිධ අපචාර චෝදනා එල්ල වී තිබුණද, පල්ලේගම හේමරතන හිමියන් යනු මෙවැනි බරපතල චෝදනාවකට ලක් වූ ඉහළම තනතුරක් දැරූ හිමිවරුන් අතරින් කෙනෙකු බව අල් ජසීරා වැඩිදුරටත් වාර්තා කර සිටියි
