පවතින අයහපත් කාලගුණික තත්ත්වය මත පස්කඳු දුම්රිය මාර්ගයට කඩා වැටීම හේතුවෙන් හා ඉහළ කෝට්ටේ දුම්රිය ස්ථානය ආසන්නයේ දුම්රියක් පිලී පැනීම නිසා අද (20) දින උඩරට මාර්ගයේ ගමනාගමන කටයුතු වලට බාධා එල්ල විය.
මේ අතර බලන හා ඉහළ කෝට්ටේ දුම්රිය ස්ථාන අතර පස් කඳු කඩා වැටීම හා දුම්රිය මාර්ගයට ආසන්නව ස්ථාන දෙකක මාර්ගය නාය ගොස් ඇත.
මේ හේතුවෙන් අද දිනයේ දුම්රිය ගමන් වාර 18 ක් අවලංගු වූ අතර හෙට (21) උදැසන මහනුවර හා මාතලේ සිට කොළඹ කොටුව හා මාතර බලා ධාවනය වන පහත දුම්රිය 04 ද දැනට අවලංගු කිරීමට කටයුතු කොට ඇත.
04.30 මහනුවර සිට කොළඹ කොටුව
04.50 මාතලේ සිට කොළඹ කොටුව
05.00 මහනුවර සිට මාතර
06.15 මහනුවර සිට කොළඹ කොටුව
