‘ගේම් ඔෆ් ත්රෝන්ස්’ (Game of Thrones) ටෙලි කතාමාලාවේ ප්රේක්ෂකයන් අතර අතිශය ජනප්රිය වූ සහ කතාමාලාවේ බලයේ සංකේතයක් ලෙස සැලකෙන ප්රධානතම නිර්මාණයක් වන ‘මකර බිත්තර’ (Dragon Eggs) තුනක් වෙන්දේසි කිරීමට නියමිත බව ‘හෙරිටේජ් ඔක්ෂන්ස්’ (Heritage Auctions) ආයතනය නිවේදනය කර තිබෙනවා.
මෙම මකර බිත්තර කතාමාලාවේ පළමු කොටසේදී ඩේනරිස් ටාගේරියන් වෙත තිළිණ කරන ලද මුල්ම රූපගත කිරීම් සඳහා භාවිතා කළ බිත්තර වේ. මෙම අයිතමයන් HBO ආයතනය විසින් සත්ය වශයෙන්ම රූපගත කිරීම් සඳහා භාවිතා කළ බවට සහතික කර ඇති අතර, ඒවා තැන්පත් කර තිබූ මුල්ම ලී පෙට්ටිය සමඟම වෙන්දේසියට ඉදිරිපත් කර තිබෙන බවයි විදෙස් මාධ්ය වාර්තා කරන්නේ.
ඒ අනුව,වෙන්දේසි දිනය: 2026 ජූලි 15 අතර වත්මන් ලංසුව: දැනට මෙම බිත්තර සඳහා ලැබී ඇති ඉහළම ලංසුව ඇමරිකානු ඩොලර් 21,000 ක් බවයි වාර්තා වන්නේ.
කෙසේ වෙතත්, 2024 වසරේ පැවති ‘ගේම් ඔෆ් ත්රෝන්ස්’ වෙන්දේසියේදී ‘අයන් ත්රෝන්’ (Iron Throne) අනුරුවක් ඇමරිකානු ඩොලර් මිලියන 1.5ක මුදලකට අලෙවි වූ බැවින්, මෙම මකර බිත්තර සඳහාද ඉතා ඉහළ ඉල්ලුමක් සහ මිලක් ලැබෙනු ඇතැයි වෙළඳපල විශ්ලේෂකයෝ අපේක්ෂා කරයි.
මෙම වෙන්දේසියට එක්වීමට අපේක්ෂා කරන එකතුකරන්නන් සඳහා ‘හෙරිටේජ් ඔක්ෂන්ස්’ ආයතනය පහත පියවර හඳුන්වා දී තිබෙනවා.
ලියාපදිංචිය: Heritage Auctions වෙබ් අඩවියේ ගිණුමක් නිර්මාණය කර, මුදල් තැන්පත් කිරීම හෝ අරමුදල් සනාථ කිරීම මගින් ලියාපදිංචි විය යුතුයි.
Proxy Bidding:
ලංසුකරුවන්ට පෙර සැකසූ උපරිම සීමාවක් දක්වා ස්වයංක්රීයව ලංසු තැබීමේ හැකියාව පවතියි.
සජීවී වෙන්දේසිය:ජූලි 15 වන දින ලොව පුරා සිටින සහභාගීකරුවන්ට සජීවීව ලංසු තැබීමේ අවස්ථාව හිමිවනවා.
මෙම සෑම අයිතමයක් සමඟම HBO ආයතනය විසින් නිකුත් කරන ලද සත්යතාව සහතික කරන ලේඛනයක් (Certificate of Authenticity) ලබා දෙනු ලැබේ. ‘ගේම් ඔෆ් ත්රෝන්ස්’ කතාමාලාව අවසන් වී වසර ගණනාවක් ගත වුවද, එහි අයිතමයන් කෙරෙහි පවතින උනන්දුව තවමත් ඉහළ මට්ටමක පවතින බව මෙම වෙන්දේසියෙන් යළිත් තහවුරු වනවා.
