ආසියානු කුසලාන ක්රිකට් තරගාවලිය අවසන් වී මාසයකට ආසන්න කාලයක් ගත වී ඇතත් තවමත් කුසලානය ඉන්දියාවට ලැබී නොමැති හෙයින් ඉන්දීය ක්රිකට් පාලක මණ්ඩලය, කුසලානය ළඟ තබාගෙන සිටින ආසියානු ක්රිකට් කවුන්සිලයේ ප්රධානී මොහ්සින් නක්විට නිල ඊමේල් පණිවිඩයකින්, ආසියානු කුසලානය වහාම ඉන්දියාවට භාර දෙන ලෙස ඉල්ලා සිටියි.
එසේ නොකළහොත් අයිසීසියට මේ සම්බන්ධව නිල වශයෙන් පැමිණිලි කොට නක්වි සියලු තනතුරුවලින් පහ කිරීමට අවශ්ය කටයුතු යොදන බව ඉන්දීය ක්රිකට් ලේකම් දේව්ජිත් සයිකියා ඉන්දියා ටුඩේ සමඟ පැවති සම්මුඛ සාකච්ඡාවකදී තහවුරු කළේය.
“අපි නක්විගේ ප්රතිචාරය බලාපොරොත්තුවෙන් සිටින අතර ඔහුගෙන් ප්රතිචාරයක් නොලැබුණහොත්, අපි නිල තැපෑලෙන් අයිසීසිය වෙත දැනුම් දෙනවා. නක්විගේ තීරණය ක්රීඩා ආත්මයට පටහැණියි. කුසලානය සහ පදක්කම් හැකි ඉක්මනින් ඉන්දියාවට ආපසු ලබා දෙනු ඇතැයි අප බලාපොරොත්තු වෙනවා” සයිකියා පැවසීය.
අවසන් තරගයෙන් පසු සම්මාන ප්රදානෝත්සවයේදී ඉන්දීය කණ්ඩායම නක්විගෙන් කුසලානය පිළිගැනීම ප්රතික්ෂේප කළ අතර, නක්වි කුසලානය ඔහුගේ හෝටල් කාමරයට රැගෙන ගියේය. ආසියානු කුසලානය දැනට ඩුබායිහි ආසියානු ක්රිකට් කාර්යාලයේ තබා ඇත.
