හෝමාගම සහ ඒ අවට ප්රදේශවල (කලාප අංක 01) සඳහා පැය 12ක ජල කප්පාදුවක් අද (06) දිනයේ සිදුකෙරෙන බව ජාතික ජලාපවහන මණ්ඩලය පවසනවා.
නිවේදනයක් නිකුත් කරමින් එම මණ්ඩලය පැවසුවේ පාදුක්ක සහ අවට ප්රදේශ සඳහා මේ වන විට ක්රියාත්මක වන ජල සැපයුම අත්හිටුවීම අද උදෑසන 08.00ට අවසන් වන බවයි.
ඒ අනුව හෝමාගම සහ ඒ අවට ප්රදේශ සඳහා උදෑසන 08.00 සිට පස්වරු 8.00 දක්වා පැය 12ක ජල කප්පාදුවක් සිදුවන බව එම මණ්ඩලය සඳහන් කළා.
පවතින වියළි කාලගුණික තත්ත්වය හේතුවෙන් ජල සැපයුම සීමා කිරීමට එම මණ්ඩලය පියවර ගනු ලැබුවා.
මේ අතර, පවතින වියළි කාලගුණය හේතුවෙන් සිදුකරන ජල සැපයුම් කළමනාකරණය හමුවේ අද (06) ප.ව. 8.00 සිට හෙට (07) පෙ.ව 08.00 දක්වා පැලැන්වත්ත හා ඒ අවට ප්රදේශයේ ජල සැපයුම අත්හිටුවීමට තීරණය කර තිබෙනවා.
පෝෂක ජලාශ මගින් ක්රියාත්මක ලබුගම සහ කලටුවාව ජල පිරිපහදු මධ්යස්ථානවල පමණක් ජලාශවල ජල මට්ටම ශීඝ්රයෙන් පහළ යන බැවින් නිෂ්පාදනය සීමාකර ඇති බවද ජාතික ජල සම්පාදන හා ජලප්රවාහන මණ්ඩලය දැනුම් දෙනවා.
