2026 වර්ෂය සඳහා ඡන්දදායක සංගණන කටයුතු පෙබරවාරි 1 වැනිදා ආරම්භ කිරීමට නියමිත බව පැෆ්රල් සංවිධානය පවසයි.
නිවේදනයක් නිකුත් කරමින් පැෆ්රල් සංවිධානය සදහන් කළේ, පෙර වසරවල මෙන් සංගණන නිලධාරීන් සෑම නිවසකටම නොපැමිණෙන බවය.
ඔවුන් සංචාරය කරනු ලබන්නේ අලුතින් එකතු කරන ලද සහ ඉවත් කරන ලද නම් ඇතුළත් A සහ Aa ලැයිස්තු යාවත්කාලීන කිරීමට අදාළ නිවාස සඳහා පමණක් බව සඳහන් වේ.
එමෙන්ම ඡන්දදායක තොරතුරු රැස්කළ යුතු නිවාස වෙත පමණක් සංචාරය කරනු ලබන බවද පැෆ්රල් සංවිධානය පවසයි.
පැෆ්රල් සංවිධානයට අනුව, දේශපාලන පක්ෂ නියෝජිතයන්ට සංගණනය පවත්වන ආකාරය නිරීක්ෂණය කිරීමට අවස්ථාව ලැබෙන අතර නිලධාරීන් තොරතුරු රැස් කිරීමෙන් පසු ඡන්දදායකයකු ලෙස ලියාපදිංචි වීමට සුදුසුද නැද්ද යන්න පිළිබඳ නිලධාරීන්ගේ නිර්දේශ ද නිරීක්ෂණය කළ හැකිවේ.
අක්රමිකතා නිරීක්ෂණය වුවහොත් නියෝජිතයන්ට සංගණන නිලධාරියාට ලිඛිතව දැනුම්දිය හැකි බවත් එවැනි නිවේදනයක පිටපතක් අදාළ දිස්ත්රික් නියෝජ්ය හෝ සහකාර කොමසාරිස් වෙත වහාම යොමු කළ හැකි බවත් පැෆ්රල් සංවිධානය පැවසීය.
