හිටපු සෞඛ්ය ඇමැති කෙහෙළිය රඹුක්වැල්ල මහතාට විරුද්ධව විභාග වන අල්ලස් නඩුවේ ප්රධාන සාක්ෂිකරුවකු වන ඔහුගේ ඥාති සොහොයුරකු රත්නපුර හිදැල්ලන ප්රදේශයේ පිහිටි සිය නිවසේ ගෙල වැලලාගෙන මියගොස් ඇත.
කෙහෙළිය රඹුක්වැල්ල මහතාට එරෙහිව විභාග වන අයථා මුදල් ඉපැයීම් නඩුවට අදාළ මෙම ඥාති සොහොයුරා මීට පෙර අල්ලස් කොමිසම මගින් අත්අඩංගුවට ගෙන අධිකරණයට ඉදිරිපත් කිරීමෙන් පසු දින 7 ක් රක්ෂිත බන්ධනාගාර ගත කර තිබිණි.
ඉකුත් පෙබරවාරි 3 වැනිදා අල්ලස් කොමිසම මෙම ඥාති සොහොයුරු අත්අඩංගුවට ගෙන අධිකරණයට ඉදිරිපත් කර තිබූ අතර ඔහුට අධිකරණයෙන් ඇප ලැබී තිබුණේ පෙබරවාරි 10 වැනිදාය.
මෙම සිදුවීම් නිසා කෙහෙළියගේ ඥාති සොහොයුරු පසුගිය කාලය පුරාම ජීවත් වී ඇත්තේ දැඩි කලකිරුණු ස්වභාවයකින්ය. නීති ගරුක ජීවිතයක් ගත කරමින් සිටි ඔහු කෙහෙළියගේ නඩු කටයුතු නිසා දැඩි ලෙස පශ්චාත්තාපයට පත්ව සිටි බව ඔහුගේ සමීපතමයෝ පවසති.
ඉකුත් 04 වැනිදා අලුයම මෙම ඥාති සොහොයුරු රත්නපුර හිදැල්ලන ප්රදේශයේ පිහිටි නිවස පිටුපස වෙරළු ගසක එල්ලී සියදිවි හානිකරගෙන ඇති බව ආරංචි මාර්ග පැවසීය.
හිටපු ඇමැති කෙහෙළිය රඹුක්වැල්ල මහතා අයථා ලෙස උපයාගත් බව කියන රුපියල් මිලියන 748 ක මුදලක් විශුද්ධිකරණයට ආධාර අනුබල දුන් බවට එල්ල වූ චෝදනා මත ඔහුගේ මෙම ඥාති සොහොයුරු අත්අඩංගුවට ගෙන තිබිණි.
